Zum Neujahrsmorgen 2014

was i no sagn mecht… zum neujahrsmorgen 2014

da raimund beschreibt im ‚verschwender‘ de jagd,
‚s gibt nix dümmeres hat er uns damals scho gsagt.
oba glaubts ma, daß dazu a steigerung gibt:
d‘ knallerei am süvesta - allseits so beliebt.
‚s wird a jeds jahr no schlimma, und diesmal sogar
hats an totn gebn, schlimma gets nimma fürwahr.
i war in der fruah heit scho unt auf der gossn,
was da umadumliegt, des kann ma kaum fossn:
zerbrochenes glas, restln vom böllachiaßn,
i kann man net vurstelln, so was zu geniaßn,
weu i waß, daß de altn leit und a de viecha
ganz arg drunter leidn, da bin i ma sicha.
I glaub a net, daß si des neiche jahr gfreit
über all de vün dummen und herzlosn leit
de des göd außehaun für so sinnlose sachn,
statt daß mit dem göd armen leit a freid machn.

©irmgard czerny