Volksoper

was i no sagn mecht…volksoper

als erschtes hab i heuer ghabt in mein abo
die fledermaus, des war a gschicht, wirklich bravo.
mags manchn vielleicht altmodisch vurkemma,
mir hat des gfall mitn glanz und dem glemma.
‚s war wundersche gsungn und leiwand gspült,
des bsondre dran: s hat gebn a bühnenbüd,
was heitzutag ja oft a seltenheit is.
de leit, de hats gfreit, da bin i ma gwiß.
den greßten verdienst, aber den hat der strauß,
denn mit seiner musik geht beschwingt ma nach haus.
sie klingt no im kopf nach und in der sö,
war vurher ma traurig, is ma nachher fidö.
glaubn vüle, ma muß dem zeitgeist sie beign,
i man, d operette, die sollt a so bleibn.


© Irmgard Czerny