Radfahrer

was i no sagn mecht – diese radfahrer

Ja sche, daß de grünen die radler forciern,
do net sche, daß de si so gar net schenirn
und fahrn wia de wüdn drauf los in der stadt.
weu’s glaubn, daß a jeda a freie fahrt hat.
ka rasn, ka einfahrt, ka gehsteig is sicha,
und hast net für alles den richtigen richa,
dann fahrn’s di glei an mitn rad und mit wortn.
‚s gibt leider nur wenige von ana sortn,
die aufpassn tan auf die kinder und altn
und si a – wias ghert – an d’verkehrsregln haltn.
drum wird’s endlich zeit, daß ma sie registriert
mit an nummerschüd, daß net no ärgers passiert.
mir hams große glück und lebn in ana stadt,
die vü lebensqualität zu bieten hat.
des sollt ma a schätzen und sollt ma bewahrn,
egal ob mitn auto, ob mitn radl mir fahrn.

© irmgard czerny